2018年3月多倫多注目家用機遊戲速報

大家好！又係推介心水Game嘅時間喇！今個月新遊戲種類繁多，除一貫冒險動作外，一家大細或模擬遊戲都有好多選擇！咁今個月有咩好玩？即刻同大家分享吓啦！

A Way Out 逃出生天 (PS4, Xbox One)
3月23日有EA的《A Way Out》，故事有點像美劇《Prison Break》以逃獄作為終極任務。遊戲有趣的地方是要兩個人一同合作來完成每個任務，兩名玩家分別控制主角Vincent或Leo，兩個人的故事會在分割的畫面各自呈現，算是近年較少有的Co-op Game。兩名玩家可在一機作Two play或線上合作。

Far Cry 5 孤島驚魂5(PS4, Xbox One)
Unisoft的第一身射擊遊戲《Far Cry 5》將在3月27日開售。玩家將成為蒙大拿州(Montana) 的「希望郡」，單人匹馬或以雙人合作模式進行的第一身射擊，對抗一個時間空間已遭扭曲的邪惡世界。《Farcry》系列著名的任何物件皆武器玩法在第五集中亦得以繼承，所有武器，包括長程武器和手榴彈、大鎚與棒球棍等近戰武器都可自由使用。

Detention 返校 (Switch)
如果閣下嫌人生唔夠恐佈，大可以找些事情自己嚇自己追求官能刺激，小弟確有唔少女性朋友(利申：非偽毒)勁鍾意睇恐佈片，其實我都唔係好明解。

Detention是一隻台灣人製作的獨立恐佈2D橫捲的遊戲，去年已於PS4率先登場。故事設定在1960年代的台灣，以校園作為背景舞台，有很多場景都參照了台灣的傳統建築和習俗，如腳尾飯、神壇、山間廟宇等等。玩法以點擊方式進行，需要解謎通過關卡。恐佈的音樂加上黑暗的場景設計和畫風，營造極陰森的氛圍。3月1日開售。

Pure Farming 2018 純粹農場 (PS4, Xbox One)
其實，雖然小弟喺城市長大和生活，但我一直都有調理農務的夢想。加拿大地大物博，如果可以買番幾畝地以耕作為生，每日到市集販賣及交換農作物，何其浪漫啊！

我知道呢個只係那英嘅名曲夢一場，明天還是要準時返工。所以唯有買隻Game滿足一下耕田的願望。3月13日上架的Pure Farming 2018可以讓您購入先進的農業設備，來管理現代的農場，更可將農場拓展至歐洲、亞洲及美洲各地，開發市場及農作物。

Kirby Star Allies 星之卡比 (Switch)
唔好以為羅船長剩係識一味介紹大人玩的Game，小朋友或一家大細更應該享受打機的樂趣。《星之卡比》都係小弟由細玩大的遊戲。玩法無須多介紹，Kirby可以「吃」下不同的道具、敵人後化成武器戰鬥。遊戲可以與最多3位同伴一起同行冒險，版圖唔細，可算是「襟」玩的遊戲。3月16日開售。

其他注目新作：
Final Fantasy XV (3月6日 / PS4, XBox One)
Assassin’s Creed Origins – The Curse of the Pharaohs (3月13日 / PS4, XBox One)
Burnout Paradise (3月16日 / PS4, Xbox One)
Assassin’s Creed: Rogue Remastered (3月20日 / PS4, XBox One)
Attack on Titan 2 (3月20日 / PS4, XBox One, Switch)