冷熱門都有!2018年亞洲10個值得去的地方

2,872

2018年已經過了1/4喇,今年有什麼旅遊計劃?有沒有地方想去但又未去過?未諗到唔緊要,Lonely Planet 無幾耐之前就發表咗10個亞洲最值得去既地方,飛開返中港台,不妨順道刷多個新足跡,兼擴闊一下視野同眼界啦!

1. 中國甘肅

Source: China Discovery

 

甘肅有絲綢之路的歷史,被雪山同蔚藍的天空包圍;有夏河的山峰同丹霞山地質公園的紅色山岩,喺中國風景之中非常有名,除此之外,蘭州的手拉拉麵亦吸引唔少遊客拜訪,下次去旅行又唔想去太遠都可以考慮下去甘肅一轉。

 

 

 

2. 日本東京南部

Source: SeanPavonePhoto

橫濱同鎌倉都分別入選成為第二個亞洲必去的地方。橫濱係日本第二大的都市,只需要搭20分鐘火車就去到,可以睇到橫濱的海濱、折衷主義建築、釀酒與及日式佳餚。

如果想去廟宇同神社,亦可以搭一個鐘頭車到日本封建時代的第一個首都-鎌倉。除咗可以喺海邊見到人衝浪,鎌倉亦有唔少café同餐廳比你揀,順帶一提,仲有一個大佛像添。

 

3. 印度喀拉拉邦北部

Source: Neil Mcallister

喀拉拉邦南部的海灘其實已經多次被選為好值得去的地方,但北部竹旳喀拉拉邦似乎無咁多人認識。

去(2017)年係印度獨立70年,亦啟用了喀拉拉邦全新的機場,令旅客去北部更方便。旅客可以到位於坎努爾(Kannur)、Thottada同貝格爾(Bekal)的海灘租住價錢實惠又對住海灘的度假屋;如果有時間亦可以去埋東邊的Wayanad山,喀拉拉邦入面一直被低估的大自然聖所同野生大象的天堂。

 

4. 新加玻-恭錫路

Source: Potato Head Family

 

恭錫路,即係新加坡的唐人街,亦係香港人叫慣的牛車水。除咗可以搵到殖民時代充滿藝術感的建築,仲可以食到好多唔同地方的料理。恭錫路亦有好多新式酒吧,可以一試充滿新加玻風味的Cocktail。遊客可以順道去埋尼路(Neil Road)同恭賽強路(Teck Lim Road)呢兩條街,風格獨特,影張靚相先走。

 

5. 哈薩克斯坦,阿斯塔納

Source: evgenykz

 

如果你有試過飛過去哈薩克斯坦嘅話,你會見到無窮無盡的草原中間無啦啦有個城市閃令令地出現。玻璃同鋼的金字塔做成的蜃景、金黃色的摩天大廈同擁有世界最大大的華蓋,阿斯塔納呢個石油城亦係納扎爾巴耶夫總統對未來願景既一部分。

 

 

6. 日本高山

Source: Urban Napflin

由十七世紀開始,高山就沒有太大的改變。每一清早,廟城內的弟子都會開門讓陽光照進去,早市的小販和商人都互相打招呼,學童穿越宮川的古橋。高山既節日-高山祭,在每年春季同秋季舉行,亦十分受遊客歡迎。

但高山這幾年在轉變中,以前搖搖晃晃既高山站會被銀色的大箱取代。如果想感受古舊氣息的高山,好襯呢幾年快啲去喇!

 

7. 中國西安

Source: Nikada

 

西安就唔使多介紹喇!呢個唐代最大的城市,同時係絲綢之路東邊的起點。數之不盡的文化古跡:天下第一山-華山,鼓樓、鐘樓、秦漢唐陵墓、大小雁塔、明代城牆,仲有人所共知的兵馬俑等等,值得一提西安於1981年獲聯合國教科文組織授予「世界歷史名城」的稱號。

 

 

8. 斯里蘭卡山區

Source: alex_aladdin

斯里蘭卡的山區同海岸係完全唔同的世界。康提(Kandy)就係斯里蘭卡山區的代表:湖邊既位置、神聖既大佛同植物園都好值得大家去探索。山區入面有茶園,其中錫蘭茶既博物館可以讓你更加了解斯里蘭卡茶業的發展。

此外,喺斯里蘭卡山區,亦可以參觀努瓦拉埃利亞(Nuwara Eliya),一個位於高山的小市鎮。努瓦拉埃利亞曾經係英國的中轉站,有殖民時代既建築同懷舊的茶房。如果有時間,可考慮去埋一個叫Ella的地方,係斯里蘭卡其中一個著名行山熱點。

 

9. 馬來西亞馬六甲市

Source: Frans Sellies

 

馬六界市於2008年成為世界文化遺產之後便一直都成為熱門旅遊地點。因此馬六甲市一直發展,不少型格既café、餐廳與及精品酒店陸續落成。

乘坐馬六甲河遊覽城係近年備受追捧的新玩意,以水上的士連接馬六甲中央車站及市區,方便快捷兼有另一番風味。

 

 

10. 印尼拉賈安帕

Source: Jones/Shimlock-Secret Sea Visions

 

拉賈安帕 (Raja Ampat)的Raja的意思係「皇帝」,而拉賈安帕就有好多異國情調的小島同群島。水清沙幼的拉賈安帕其實一直都係一個好受歡迎既生態熱點。遊客可以潛水欣賞變化萬千的珊瑚礁,享受一個不一樣的陽光假期。

 

 

資料來源:https://www.lonelyplanet.com/best-in-asia