影剪影話咁易 – 4個拍攝剪影的小貼士

953
無論春夏秋冬,多倫多的湖邊幾時都係無敵的影相勝地。不過影來影唔係自己個靚樣就係湖邊的倒影,po相呃like長路總會都會有盡時。今日就教大家點樣可以影勁有feel嘅剪影相,等你輕鬆賺like啦!
1. 尋找適當的光源
話明係剪影,即係淨係影你個影,要造到呢個有強烈對比嘅效果,一定要搵一個強烈的光源,好多人特別會選擇日出或者日落呢啲時間,光線比較柔和之餘,後面影出嚟嘅顏色亦比較靚。當然,搵唔到可以睇日落嘅地方,以下嘅貼士依然可以幫你喺猛烈光線下,例如係正午的湖邊前面,影到一啲令人想睇多兩眼的相。
Source: Silhouette Photography: Shooting and Post Processing
2. 以側面代替正面
主體的輪廓係剪影攝影好重要的元素,假如你將要影嘅剪影係人嚟嘅話,請你叫佢以轉向側面,咁樣可以影到人由額頭到鼻到下巴嘅輪廓,特別係女仔長長彎彎既睫毛都可以拍低哂,比起正面面向住鏡頭,淨係影到一個黑色的頭,側面拍出黎嘅剪影會有效果好多。
Source: Silhouette Photography: Tips for Shooting
3. 利用身體線條帶出主體美
即使你已經轉咗做側面,以一張靚嘅剪影相嚟講係唔足夠的。攝影對象的動作亦會影響成張相嘅構圖。簡單嚟講,女仔可以自然地舉高手或者扮一啲跳舞既pose,帶出身體嘅線條美,令成張相再加分。
Source: Karishma@Smashing Magazine)
男仔就可以試下跳起或者做擴張啲的動作。
Source: Karishma@Smashing Magazine)
如果係情侶一齊影剪影的話,記住千祈唔好痴埋一齊,因為咁樣張相睇落去就淨係得一舊黑色嘅嘢喺度!但係兩個人踏後一步,面對面 (可以係少少身體接觸,例如男方托住女方的面或者女方環抱男方嘅腰),等光喺你地中間透出嚟,張相都會靚好多。
Source: Ando-san@Deviant Art
Source: Ruslan Sitarchuk

 

 

 

 

 

 

 

 

 

4. 以環境及姿勢營造氛圍
要影一張好的相,背景的配合都好重要。例如陰暗的陽光會帶出悲傷嘅情懷,而強烈嘅太陽就適合影啲比較開心嘅相。因為剪影睇唔到個表情,所以我地要靠姿勢去配合,如果係開心嘅相就可以用頭先教咗大家跳起嗰啲,但如果嗰日想影啲比較有feel嘅相,就可以試下托頭或者動作細啲pose。
Source: Pinterst
跟住上面4個小貼士,希望各位都可以影到靚靚剪影相啦!

歡迎留言

您的電子郵件地址將不會發佈。